01 — 📰 本週三大新聞
1️⃣
Trump唔續簽伊朗協議，油價升咗5%
美國財政部撤銷咗原本嘅伊朗石油出口豁免，加上其後美方對伊朗發動打擊，回應早前伊朗喺霍爾木茲海峽襲擊商船。油價單日升咗5%，反映地緣政治風險又重新浮上水面，呢類突發事件嘅特點係難以預測、但對通脹預期嘅影響即時又直接，值得持續留意事態發展。
2️⃣
韓股槓桿問題
南韓融資融券餘額創歷史新高，三星同SK Hynix兩隻股票嘅信用貸款佔比大幅提升，多間券商已經開始收緊信用交易門檻。呢個現象值得留意嘅原因係，槓桿部位喺股價回調嘅時候，反應會被放大，短期波動幅度自然會加劇。
3️⃣
SK Hynix Nasdaq掛牌
SK Hynix呢星期五（7月10號）喺Nasdaq正式掛牌，籌280億美金，機構認購已經多倍超額——Baillie Gifford、Coatue Management、Situational Awareness Partners等機構已表明有興趣認購最多70億美金。
對大盤影響
呢個係記憶體板塊情緒嘅即時測試——如果掛牌接得住盤，代表資金仍然願意追記憶體呢個主題，可能帶動板塊情緒回穩；但同時，大型基金要為新股騰資金，客觀上可能要賣出手上其他半導體/科技持倉去做portfolio rebalancing，短期內對大盤（尤其半導體板塊）構成額外拋壓，同基本面本身無關，純粹係資金流動嘅技術性因素。
02 — 基本面：記憶體板塊
- HBM同其他記憶體缺貨持續到2027年年尾嘅供不應求格局未變
- Micron喺6月24日公佈嘅第三季業績，收入$41.46B完勝預期嘅$35.84B，加埋Q4 guidance見$50B，股價單日彈15%，SanDisk同日再彈近22%
- 三星次季經營利潤按年升19倍，數字客觀上勁，但股價照跌——反映市場情緒已經跑到需要靠「新消息」先可以再升嘅位置
03 — 🌍 宏觀層面（跨資產格價判斷）
- 10年期美債息率已經彈到約4.58%附近，反映債市開始為通脹風險重新定價
- 油價急升 → 通脹預期升溫 → 債息跟隨上彈，呢條傳導鏈係依家最直接嘅跨資產訊號
04 — 📉 技術面
- 納指同標普500出現三角收斂形態，方向未明朗，跌穿50日均線
- 標普500嘅參與度偏低——根據Schwab數據，只有約17%成分股跑贏指數本身，係過去十年最低讀數之一，代表指數升幅高度集中喺少數AI龍頭股，並非全面性上升
05 — 我嘅看法同操作
💭 減少操作，唔開槓桿
未有方向性突破之前，任何重倉都係賭突破方向。目前的確是一個比較難交易的時段，加上參與度偏低，代表就算指數企穩，都唔代表個市整體轉強。我嘅取態係減少操作、無明確趨勢唔開槓桿——等訊號明朗化先再決定方向。
個人諗法方面，如果之後嘅通脹數據可以帶嚟多一啲方向性嘅確認，我自己會傾向留意基本面未有轉差、動能依然強勢嘅板塊，睇下有冇機會分批、分注咁樣去部署，而唔係一次過重倉。呢個純粹係我自己嘅思路分享，唔同人嘅風險承受能力、資金狀況都唔一樣，大家記得按自己嘅情況判斷，唔好盲目跟操作。
🗓️ 7月28-29日
FOMC會議，議息結果同記者會
純粹分享個人觀點，不構成任何投資建議